轧车

較車
五月天

是按怎阿花佮阿嬌
sī án-tsuánn a-hue kah a-kiau
攏無佮意我
lóng-bô kah-ì guá
我撇車技術一流
guá phiat-tshia kī-su̍t it-liû
無儂佮我較
bô-lâng kah guá kà
是按怎學校亓老師
sī án-tsuánn ha̍k-hāu ê lāu-si
攏無疼痛我
lóng-bô thiànn-thàng guá
是毋是ABCD看無
sī-m̄-sī ABCD khuànn-bô
較戇就攏免教
khah gōng tio̍h lóng bián kà

老父老母　規工咧罵
lāu-pe lāu-bú kui-kang leh mā
踅踅踅唸　毋知唸啥
se̍h-se̍h-se̍h-liām m̄-tsai liām sánn
是按怎哪會按呢
sī án-tsuánn ná-ē án-né
身邊亓問題一攤
sin-pinn ê būn-tuê tsi̍t thuann
這時陣上好做陣來去較車
tse sî-tsūn siōng-hó tsuè-tīn lâi-khì kà-tshia

做陣來較車做陣來較車
tsuè-tīn lâi kà-tshia tsuè-tīn lâi kà-tshia
毋管伊警察咧掠
m̄-kuán i kìng-tshat leh lia̍h
毋管伊父母咧罵
m̄-kuán i pē-bú leh mā
只要我引擎推落
tsí-iàu guá ianjin tshui lo̍h
無儂會當佮我較
bô-lâng ē-tàng kah guá kà
佇遮我上緊上「趴」上大
tī tsia guá siōng kín siōng pha siōng tuā

是按怎今仔亓觀眾
sī án-tsuánn kin-á ê kuan-tsiòng
攏咧拍噗仔
lóng leh phah-phok-á
大家看我一个若像super star
ta̍k-ke khuànn guá tsi̍t-ê nā-tshiūnn super star
La La La La La La La La La La
愈騎愈緊愈爽
lú khiâ lú kín lú sóng
我想欲唱歌
guá siūnn-beh tshiùnn-kua

頭腦咧飛　身軀咧掣
thâu-náu leh pue sin-khu leh tshuah
風咧吹我　心咧流汗
hong leh tshue guá sim leh lâu-kuānn

是按怎哪會遮爽
sī án-tsuánn ná-ē tsia sóng
欲了解我亓感覺
beh liáu-kái guá ê kám-kak
這時陣上好做陣來去較車
tse sî-tsūn siōng-hó tsuè-tīn lâi-khì kà-tshia