幸福在叫我

伴奏著吉他聲　唱出阮心內的歌
這幾年來感謝你的陪伴
做阮的方向盤　乎阮一個靠岸
失望的雨有厝瓦通遮

看著你的背影 有時陣猶原會驚
不知甘會是阮在作夢
誰叫你遐迷人 溫柔體貼
親像載著希望的船隻

像我頇顢煮呷　無外豪額　嘛無介高大
講濟笑虧　亦無人愛聽
只是你知影　愛你的心肝　絕對無人會當揣我拚輸贏

我聽到天在笑我　笑我這個憨人 像你這款的伴　還在等啥
對熟悉你彼天　就跛落癡情的網　後半世人阮的希望請你斟酌聽
不管花開花謝　無論秋冬春夏　心意絕袂變卦 堅定如山
貓頭鴣在喚聲　躲置樹頂睛睛在看　幸福在叫我 牽著你來行

愛情的尾班車　到站的鐘一直響
後壁的路叫同齊打拚
今後是一家人　相依相偎
人生的擔兩個人來擔

親像電影在扮　歌詞在寫　吉他置咧彈
鹹酸苦汫 滋味層層疊
只有你知影　守著咱的青春夢　絕對無人會當比我卡憨膽

我聽到天在笑我　笑我這個憨人　犁頭惦惦在拚 無怨無聲
想欲乎你好命　不免煩惱安怎討呷　會當過著平凡無欠安穩的生活
不管花開花謝　無論秋冬春夏　只要有妳作伴　我攏袂驚
燕仔含土做壁　躲置厝腳睛睛在看　甘是在叫我 幸福家己寫

聽到天在贊聲　唱著歡喜的歌　姻緣簿牽紅線　結著你我
新娘花雙手捧　美麗合影笑容滿滿　無驚無惶共行共命安定的心晟
不管天邊海角　無論庄腳都城　只要有妳作伴　厝就置彼
鴛鴦雙雙相帶　泅置被單睛睛在看　幸福在叫我 甲你疼命命